Posts

Showing posts from August, 2023

285. WENDONĨ WA YESŨ

 WENDONĨ WA YESŨ (In the heart of Jesus) 1. Wendonĩ wa Yesũ ve vandũ vaku,  Wendo ũla wa w’o wendo mũtheu,  Nĩkĩ wĩo weka, ũte mũtethya,  Na wendo wa Yesũ nũkwĩanĩe? 2. Wendonĩ wa Yesũ ve mwanya waku Yu nĩwaĩlĩte kũmwĩtĩkĩla,  Nĩkĩ ũkũlea wendo wĩan’ũũ,  Na wendo wa Yesũ nũkwĩanĩe? 3. Wĩanĩ wa Yesũ ve ũthei waku,  Ũla alaĩka matanengetwe.  Nĩkĩ ũkweteela kũmantha ũngĩ,  Na wĩa wa Yesũ nũkwĩanĩe? 4. Nyũmbanĩ ya Yesũ, wĩkalo nĩ voĩ,  Vandũ vaseũvĩtw’e ũndũ tũtesĩ,  Nĩkĩ ũkũmantha wĩkalo vangĩ,  Na kũya kwa Yesũ ve vandũ vaku? (Amen)

286. NTHĨ ĨNO

 NTHĨ ĨNO (God loved the world of sinners) 1. Nthĩ ĩno ya ala ene naĩ,  Ngai nĩwamyendie,  Yu ve ũtangĩĩo mwoneku Tũnengetwe mana.  Waĩ wendo nĩw’o waĩ wa Ngai Wendo ũũ mũnene,  Wa Yesũ kuma ĩtunĩ Kũka kũtũkw’ĩĩa.  2. Yu nĩ wakwa nakwa nĩ wake,  Nĩngũmwĩkwatya vyũ,  Nthakame yake yantheisye,  Nakwa navonoka.  3. Wendo wa Ngai nĩwusũĩte Ngoo yakwa nthĩnĩ vyũ.  Nathaiw’e mũio wa naĩ Neeetĩkĩla Yesũ.  4. twinei oyũ tũteũkĩa Vinya wa satani; Nũndũ Yesũ nũmũsindĩte,  Na twĩ atangĩĩe 5. Andũ ma ngai, tũtanei mũno,  Nthĩ ĩkĩtũmena; Mũyo witũ yu wĩ ĩtunĩ Wa tene na tene.  (Amen)

287. YESŨ NŨMBENDAA

 YESŨ NŨMBENDAA (Jesus has loved me) 1. Yesũ nũmbendaa, Yesũ mũnene! Yesũ nũmbendaa na nĩnĩmwendaa mũno; Nĩwookie kũũ kwovosya andũ,  Kũmantha na kũmatangĩĩa vyũ.  Yesũ nakathwe, Yesũ mũnene,  Yesũ nakathwe yu tene na tene; Yesũ nakathwe, Yesũ mũnene! Yesũ nakathwe na kanyw’a na ngoo.  2. Yesũ ambona, Yesũ mũtheu! Yesũ ambona nzĩanĩ ya mawathe.  We ambovosya wanangĩkonĩ,  Na akw’a mũtĩnĩ ũndũ wakwa.  3. We nũmbonasya, Yesũ mũseo! Nũmbonasya kana akooka ĩngĩ; Nĩ w’o akooka kwĩsĩa make,  Matwaw’ ĩtunĩ kũsumbĩka vo.  4. Nĩnĩtanĩte matukũ onthe,  Ũndũ wa vinya wake we kũkĩlya naĩ,  Yu Ngai e nakwa, nakwa nĩ nake; Tũendanasya mĩthenya yonthe.  5. Yu nyie nĩngwenda kũmwendeesya,  Kũmũsũng’ũkya na kũmũvĩtũkya mbee; Kũmũatĩĩa andongoesye,  Nĩtavanasye ũvoo ũũ wake.  (Amen)

288. SISYAI WENDO

 SISYAI WENDO (Behold what love) 1. Sisyai wendo, wendo wa w’o,  Ngai Asa woonanisye,  Nĩ kana ala ithyĩ twaĩ au,  Tũtwĩke syana syake.  Sisyai wendo wĩanata- Wendo wĩana ata Ngai Asa Wonanisye kwitũ,  Nĩ kana twĩtwe syana; Twĩtwe syana sya Ngai.  2. Nthakame ya Mwana wake Nĩyo ya tũtheisye,  Na ũndũ wa ũsu Mwendwa Tweew’anĩthw’a nĩ Ngai.  3. Ndyĩsĩ tũkethwa tũilyĩ ata,  Twĩ ũtheunĩ wa Ngai Ĩndĩ yĩla Mwĩaĩi wĩũka,  Tũkavw'ananw'a nake.  4. Nayu twĩthĩwe twĩ atheu ngoo,  Nũndũ twĩna wĩkwatyo,  Yesũ ũla mũtheu kwĩ ithyĩ,  Tũkoona ũthyũ wake.  (Amen)

289. TŨTANEI NTHĨNĨ WA MWĨAĨI

 TŨTANEI NTHĨNĨ WA MWĨAĨI (Pardon, peace and power) 1. Tũtanei nthĩnĩ wa Mwĩaĩi Kwa ndeto syake Mwĩaĩi Nĩwatũtheisye.  12/8 Kwĩ ũekeo , Kwĩ mũuo,  Kwĩ ũtheu kũu ĩtunĩ; Kwĩ ũtanu kwa alaĩka,  Nũndũ wa ũmwe akĩtangĩĩwa.  2. Kwa mumo wake Mwĩaĩi,  Naĩ nĩvetetwe vyũ; Nĩna mũuo wusũĩte,  No kwondũ wa nthakame.  3. Kwa vinya wake Mwĩaĩi Nũnengae kũkĩlya; Veva mũtheu ngoonĩ yakwa,  Nũnengae ũkĩlya naĩ.  4. Veva mũtheu ena ũtonyi,  Kũthyũũa ngoo sitũ; Imwelekele Ngai waitũ,  Nĩ kana isũvĩwe.  (Amen)

290. MBATHI SYĨ MŨYO

 MBATHI SYĨ MŨYO (Songs of gladness) 1.  Mbathi syĩ mũyo syotanu,  Nĩsinawa kũya ĩtunĩ; Ala mavikie tene,  Namo mainaa myũnthĩ yonthe.  Syĩ mũyo na syotanu,  Nĩsinawa kũya ĩtunĩ Nĩmekwina makyasya,  Ngai nĩ wendo, Ngai nĩ thayũ.  2. Kyeni kya syũa kĩi vata,  Nĩ kũseo na nĩ kũtheu; Kwĩ mũuo ũtathimĩka; Nĩ nthĩ ya kyeni, nthĩ ya wendo.  3. Atheu a mavikĩe,  Nĩmainaa vamwe na alaĩka; Wathi wa thayũ na wendo,  Alelũya Ngai nĩ wendo.  4. Vaiĩ ũthei wa naĩ,  O na nzika o na wia,  Nũndũ vai kĩkw’ũ nongi,  No thayũ wa tene na tene.  (Amen)

291. ŨNDŨ ŨMWE

 ŨNDŨ ŨMWE (One thing I of the Lord desire) 1. Ũndũ ũmwe ũla ngwenda,  Kwa kwĩthĩwa naĩ mũthũku,  Nĩ kũthew’a naĩ syakwa yu,  Kũthew’a vyũ, kũthew’a vyũ.  Ũnthesye yu ngoo yakwa,  Na mwaki tũ, kana thĩna.  Vati ũndũ ethwa wathe Ũkakw’a vyũ ngoonĩ yakwa.  2. Wanenga kwona mawoni,  Nĩngũtana na kwĩw’a mũyo Ĩndĩ o ũla ngwenda yu Nĩthew’e ngoo, nĩthew’e ngoo.  3. Ĩĩ, ngoo yakwa yathew’a vyũ,  Veva mũtheu akamanyĩsya,  Na kũmbon’ya nĩmanye nyie Maũndũ meũ, maũndũ meũ.  4. Nĩngũvoya kĩla myũnthĩ,  Mwĩaĩi andongoeasye,  Na ngatata kwĩthesya,  Ngĩemwa vyũ , ngĩemwa vyũ.  5. Nĩngũmũĩkĩĩa Yesũ,  Myũnthĩ yonthe andetheeasye,  Nĩngũkĩlya vinya nĩ kũũ Kwondũ wake , kwondũ wake.  (Amen)

292. YESŨ NŨKWENDA TWĨKALAE

 YESŨ NŨKWENDA TWĨKALAE (Jesus wants me for a sunbeam) 1. Yesũ nũkwenda twĩkalae Twĩ kyeni kyake yu,  Kũndũ kwonthe kũũ kĩvindu Kyanangwe kyonthe vyũ Ta nyaĩĩ sya Yesũ,  Yesũ nũkwenda twĩkale; Ta nyaĩĩ sya Yesũ,  Yesũ nũkwenda mũno.  2. Yesũ nũkwenda tũmendae Andũ onthe kũũ nthĩ Tũkĩmweteela na mũyo Na mũamba waw’o.  3. Nĩngũmũvoya Yesũ yũ,  Anzeũvye ngoo yakwa,  Anthesye wathe ũũ wakwa,  Nĩthwe nĩ mwene w’o.  4. W’oa watema kĩvindu Nĩkĩthelaa oyu,  Yesũ nũkwenda nonan'ye Kyeni kyake o t’ũũ (Amen)

293. NGOO YAKWA NĨNĨŨKUSW’A

 NGOO YAKWA NĨNĨŨKUSW’A (Still sweeter every day) 1. Ngoo yakwa nĩnĩũkusw’a nĩ Yesũ Mũtangĩĩi: Nĩwe mũseo kũvĩtũka onthe kũkũ nthĩ,  Na nĩwe ũtisu wa ũtheu wa Ngai mwene,  Na nĩngũmwenda mbee na mbee ngyeteela asyoke.  Tũtiũmanya ũndũ tũketh’wa tũilyĩ; Nĩtũkamanya vyũ twamwona Mwĩaĩi Yesũ.  2. Nĩwe mũtisũ kũvĩtũka ndata ya kwakya; ũtheu wake nĩwandisĩe nĩ kũasa Nĩwĩanĩasya vata wakwa myũnthĩ yonthe,  Na nĩngũmwenda mbee na mbee ngyeteela asyoke,   3. Ngoo yakwa nĩnĩũleela yĩla nĩ kũkũ nthĩ,  ĩndĩ ũvuũkyo nĩwũkaa akĩnzũvĩlĩla; Nũmbaũaa mĩio ya naĩ na mawĩmakĩo,  Na nĩngũmwenda mbee na mbee ngyeteela asyoke.  (Amen)

294. MOTANŨ MA NTHĨ NDIMENDAA

 MOTANŨ MA NTHĨ NDIMENDAA (Earthly pleasures vainly call me) 1. Motanu ma nthĩ ndimendaa,  Nĩthĩwe ta Yesũ; Vati ũmwe ũkambova,  Nĩthĩwe ta Yesũ.  Wathi wakwa nĩw’o ũũ,  Nĩthĩwe ta Yesũ vyũ; Kwitũ, kw’onthe kĩla saa,  Nĩthĩwe ta Yesũ.  2. Yesũ nĩwamanangie,  Nĩthĩwe ta Yesũ; Ala mawendi ma tene,  Nĩthĩwe ta Yesũ.  3. Nakwa nĩendete ĩtunĩ,  Nĩthĩwe ta Yesũ; Ngĩtavany’a syĩtwa yake,  Nĩthĩwe ta Yesũ.  4. Nĩkalae wĩanĩ wake,  Nĩthĩwe ta Yesũ; Ngyeteela andwae kwake,  Nĩthĩwe ta Yesũ.  (Amen)

295. NAĨ SYAKWA NĨSYAIWE

 NAĨ SYAKWA NĨSYAIWE (I lay my sins on Jesus) 1. Naĩ syakwa nĩsyaiwe ĩũlũ wa Yesũ,  Akyumya syonthe kwakwa Nĩsyanoisye vyũ.  Na yĩla naĩ mwathe nyie, andekea naĩ syakwa,  Nthakame yake nĩyantheisye ngoo yakwa.  2. Yesũ, Mũtangĩĩi wakwa, nĩwokie kũũ nthĩ,  Andekee i naĩ syakwa, nose mũuo wa ngoo Yesũ ookĩe kũũ nthĩ kana ndangĩĩwe nyie Nĩngũmũkatha mũno, andaanĩsye na naĩ.  3. Ngoo ĩno yaĩ nthũku na yaĩ ya satani; Namĩtwaĩe Yesũ, nthakame ĩnthambye,  Syĩtwa yake n’ĩseo, nĩ Mwovosya wakwa,  Nĩ Ngai vamwe naitũ, nĩtũkũmũkatha.  4. Natwawa kũy’ĩtunĩ, vala ngona Yesũ,  Ngeeloela Mũtangĩĩi, anengie thayũ; Nĩngwenda mũno oke, andwae ĩtunĩ,  Vala ngatũa nake, mũsumbĩ wakwa vyũ.  (Amen)

296. ETĨKĨLI ONTHE NĨMETĨTWE

 ETĨKĨLI ONTHE NĨMETĨTWE (Send the light) 1. Etĩkĩli onthe nĩmetĩtwe yu,  Tavan’yai! Tavan’yai! Ve andũ aingĩ ma ũtangĩĩwa,  Tavan’yai! Tavan’yai! Tavan’yai ũvoo mũathime,  Wonanw’e ngalĩ syonthe,  Tavan’yai, na kyenĩ kĩĩ kĩtheu Kĩkenae nthĩ yonthe vyũ.  2. Nĩtwĩw’ĩte ũvoo wa Yesũ Klisto,  Tavan’yai! Tavan’yai! Nĩwe nthembo ĩla Ngai waumisye,  Tavan’yai Tavan’yai! 3. Tũvoyei nĩ kana mũmo wingĩve,  Tavan’yai! Tavan’yai! Na mũuo wa Yesũ Klisto wonanw’e,  Tavan’yai! Tavan’yai! 4. Na tũtĩkanoe wĩanĩ wa Ngai,  Tavan’yai! Tavan’yai! Tũmantheĩ ĩtuvĩ yĩtakathela,  Tavan’yai! Tavan’yai! (Amen)

297. ITHYĨ NĨ TWONETW’E KYENI

 ITHYĨ NĨ TWONETW’E KYENI (Brightly beams our father’s mercy) 1. Ithyĩ nĩtwonetw’e kyeni Kĩla kyookie kũũ nthĩ,  Kĩmulĩke andũ onthe,  Melingĩle Mũtangĩĩi.  Andũ nĩmũkwĩtĩkĩla Kyenĩ kĩĩ kĩmulĩkae Yesũ amũtongoesye? Amũvathan’ye na naĩ? 2. Ũ wendete naĩ amenaa Kyeni kĩikamũkenee,  Kĩikamwon’ye ala wĩkaa,  Kana nĩmo maasya.  3. Tũkĩendan’ya kyeninĩ Twĩ na mũamba ithyonthe,  Tũkĩthambw’a nĩ nthakame Ya Yesũ, Mũtangĩĩi.  4. Tũlyai kyenĩ, andũ, tũlyai! Angĩ me kĩvindunĩ; Nĩmaĩte mothũkunĩ: Tũlyai kyeni kĩĩ kya Ngaĩ! (Amen)

298. ANDŨ ATHASYE, ĨW'AI

 ANDŨ ATHASYE, ĨW'AI (Work, for the night is coming) 1. Andũ athasye, ĩw’ai,  Ngai nĩwatwĩw’ĩie Wendo na tei mũnene,  Aitumya kĩkw’ũnĩ; Ndaĩ n’ũndũ ailekya Mwana atũthasye: Tũtonya ũmwĩk’ata,  ũũ watũkw’ĩĩe? 2. Twosei ũvoo wa Yesũ,  Tũmwĩtĩkĩle vyũ,  Tũitĩsw’a nĩ kĩvindu Twĩ kyeni kĩĩ kya w’o.  ũla wĩthi na Yesũ,  Amanthe andũ au,  Akooka na ũtanu W’andũ kũalyũla ngoo.  3. Thangaai, andũ ma Yesũ,  Ngetha nĩ mbiku yu Kw’onthe kwĩ wĩa mũno; Weteele kwĩkwa nũũ? Nĩtwĩvotoei ngoo sitũ Twĩyũmbanĩtye vyũ Yesũ akilye kũka,  Nde vaasa, manyai ũu.  (Amen)

299. ANDŨ MAITŨ AINGĨ

 ANDŨ MAITŨ AINGĨ (Bring them in) 1. Andũ maitũ aingĩ Nĩmaĩte mawathenĩ,  Na me kũasa naku, Ngai,  Matiũmanya kũla maĩ,  Matethye, Mwĩaĩi,  Nĩmaĩte mothũkunĩ vyũ: Makusye, ame Ngai,  Movosye andũ maitũ.  2. Andũ amwe nĩmew’ĩte Na nĩmakwĩtĩkĩlile,  ĩndĩ matĩ na ũthangaau,  Mathi matavye andũ au.  3. Matũme wĩanĩ,  Mathangasye ngoonĩ,  ĩĩ na mwĩĩ; ũmane vinya, Ngai,  Mathi matavye andũ au.  4. Mbũi na ng’ombe ila mbau Nimanthawa, ti mũno mbee; ĩndĩ andũ maitũ, Ngai,  Mangangaa weũnĩ wa naĩ.  5. Neena yu mũno, Ngai,  Neena mũno na andũ maku,  Maende mamanthe,  Asu maĩe naĩnĩ.  (Amen)

300. YESŨ NŨKŨTWĨTA

 YESŨ NŨKŨTWĨTA (Jesus calls us) 1. Yesũ nũkũtwĩta ithyĩ Kana tũmũvikĩle,  Tũtiĩte naĩ sya tene,  Tũkĩlea ithy’ene.  2. Yesũ nũnũtũtetheesya Tũmwende na ngoo syonthe Atwĩke ũla wendetwe; Twĩnengane ithyĩ kwake.   3. Kũũ kwĩ metano maingĩ,  Ma satani na andũ; ĩndĩ twĩkalye twĩ ewi Ma ĩ ndeto syaku tũ.  4. Yesũ twĩte, noineena,  Kana tũtikaĩwe Nĩ wasya wa Ngai waitũ; Tũendanasye nake.  (Amen)

301. OSA SYĨTWA YĨĨ YA YESŨ.

 OSA SYĨTWA YĨĨ YA YESŨ.  (Take the name of Jesus with you) 1. Osa syĩtwa yĩĩ ya Yesũ,  Mũndũ wĩ na woo na naĩ,  Ũthi nayo kũndũ kw’onthe.  Ũnewe vinya wa Ngai.  Twaa ĩndĩ syĩtwa yĩĩ,  Kana wĩkalae nayo,  ũnengwe vinya mwingĩ,  ũmwendeesya Ngai naw'o .  2. Ĩĩ, syĩtwa ya Mwĩaĩi Yesũ,  Nĩyo ngao ya kĩla ngoo,  Na matatwa me maingĩ,  We, ndũemwa wĩ nayo.  3. Katĩ wa masyĩtwa onthe Yĩla ya Yesũ yĩ mbee, ,  Yĩkeetĩkĩlwa nĩ onthe,  Asyoka asumbĩke.  (Amen)

302. LĨLĨI, YESŨ NŨKŨNEENA

LĨLĨI, YESŨ NŨKŨNEENA (Hark! The voice of Jesus) 1. Lĩlĩi, Yesũ nũkũneena Na ngoo sitũ ithyonthe,  Easya, ngetha nĩ nene,  Voyai Ngai amanthe andũ,  Mũũnda nĩ nthĩ kũndũ kw’onthe,  Na ngetha nĩ mbiku yu: Nũũ ũla ũnũũmũsũngĩa,  Nĩngũthi, nĩngwĩtĩkĩla,  Ndũma nyie? 2. Yesũ nĩweteela mũno One andũ athangaau,  Maendete kũndũ kw’onthe Mamanthe ala awau,  Ti wamana, wĩa ũsu,  Nĩ wa Ngai, mwene ĩnee; E naitũ, kũndũ kw’onthe,  Na akatũtuva, wĩa wathela.  3. Manya kwasya ndũtonya wĩa,  Andũ aingĩ me naĩnĩ; Nĩmekaa mĩthenya yonthe Makĩlea mũmbi Ngai.  ĩtĩkĩla, ũkwate vyũ,  Wĩthĩwe wĩ mũthangaau,  Sũngĩa Yesũ, ũmwĩe,  Nĩngũthi, nĩngwĩtĩkĩla Ndũma nyie.  (Amen)

303. VE SAA ŨMWE ITHYĨ TŨTESĨ

 VE SAA ŨMWE ITHYĨ TŨTESĨ (The happy crowning day) 1. Ve saa ũmwe ithyĩ tũtesĩ,  O na alaĩka ma ĩtunĩ; Yĩla Yesũ wĩũka kũũ na ndaĩa,  Atheu onthe amathaũwe amaete ala make,  Mew’e wasya wake wa soo wavuvwa.  Nĩwĩyũmbanĩtye kweteela Mwĩaĩi Nũsyaĩĩsye yu na kũvoya; Nĩwĩyũmbanĩtye kweteela Mwĩaĩi Oke kũũ kwĩsĩa ala make.  2. Kwĩ ũathimo mwingĩ mũno.  Wa kũtisa methonĩ,  Yĩla thayũ ũũ wa mũuo twĩnengwa Wendo wa ala makakĩlya yĩla wĩũka Mwĩaĩi Katambanga, ũtukũ kana masangya.  3. Naĩ nĩsyathambiwe,  ũsĩnĩ wa nthakame,  Umĩte vau ngelan’yonĩ Kaivalĩ; Ngai nũtonya kũtũsũvĩa tũikalulutĩke,  Yĩla wĩũka na mathweo ma kyeni.  (Amen)

304. YESŨ NŨNŨKWENDA TŨKONAN’YE

 YESŨ NŨNŨKWENDA TŨKONAN’YE (Jesus bids us shine) 1. Yesũ nũnũkwenda tũkonan’ye Kyeni kyake kya w’o kĩla kĩtheu.  ũkonan’ye kwaku, nakwa vala nĩĩ,  O ta ũu kyonanw’e kũndũ kw’onthe. 2. Yesũ ndandiaa nonan’ye nyioka,  E vakuvĩ nakwa andetheeasye.  3. Kĩvindu kyonthe kĩkathela vyũ,  Eth'wa tũkoonan'ya kyeni kya Yesũ.  4. Yesũ nĩ kyeni kya i mbaĩ syonthe,  Nĩwe nzĩa ya w'o kũthi kwa Ngai.  (Amen)

305. KŨNDŨ KWINGĨ ANDŨ ME KĨVINDUNĨ

 KŨNDŨ KWINGĨ ANDŨ ME KĨVINDUNĨ (Far far away in heathen darkness) 1. Kũndũ kwingĩ andũ me kĩvindunĩ,  Mathayũ maingĩ me thĩnanĩ,  Nũũ ũla wĩthi kũtavan’ya kwamo Aimwenda Yesũ, ateũtuvwa? Vinya w’onthe nĩnĩnengetwe,  Vinya w’onthe nĩnĩnengetwe,  Endai ĩndĩ nthĩ yonthe mũkamatavye,  Nakwa nĩngwĩkalaa nenyu.  2. Sisya ũndũ nthĩ yeteele wovosyo,  Asikalĩ ma Yesũ, tavan’yai Etĩkĩli, amũkai mume toonĩ,  Twaĩai ũvoo na mbee mũlũngye naĩ.  3. Nũndũ wa kĩ wĩkalaa naĩnĩ syakũ? Nũndũ wa kĩ wĩkalaa kĩkw’ũnĩ? Yesũ nĩwakw’ie na athayũũka Kana wone thayũ na wovosyo.  4. Ngai atũmanie kwa andũ onthe Moke kwake mamanye Mũtangĩĩi,  Tanai mũno nũndũ wa ũtangĩĩo,  Mũkyasya, Alelũya, Mwĩaĩi.  (Amen)

306. NYIE NĨNĨNENGANĨTE

NYIE NĨNĨNENGANĨTE (O Jesus, I have promised) 1. Nyie nĩnĩnenganĩte ngũthũkũme Yesũ,  Wĩ mũnyanyawa wakwa, wĩ Mũtangĩĩi wakwa.  Ndikĩa thĩna nongi nũndũ nũndethasya; Nzĩa ndikambaĩa, ũkĩndongoesya.  2. Yesũ, nenga kũkwona kũvĩta nthĩ ĩno.  Matatwa nĩ maingĩ, ala ma satani; Nĩngũmew’a na kwona ngoonĩ, o na mwĩĩnĩ.  Mwĩaĩi, ndethya mũno nume mawathenĩ.  3. Nonĩthukĩĩsye, Yesũ neena nakwa oyu.  Mawasya ma nthĩ ĩno nĩmeũlonzan'ya; Nthingĩthĩle mũno nyie, nĩw’e ndeto syaku: Veva waku ambon’ye nue mũmbonokya.  4. A mathũkũmaa, we nĩwamatavisye Makooka kwaku, Yesũ, mekalae me naku; Na nĩnĩnenganĩte kũkũthũkũma, we - Yesũ, mbĩkĩa vinya ngwendeeasya nesa.  (Amen)

307. NĨNGWĨNENGANE KWA YESŨ

 NĨNGWĨNENGANE KWA YESŨ (I surrender all) 1. Nĩngwĩnengane kwa Yesũ Nũndũ nĩngũmwenda yu.  Nĩngũĩkĩĩa na wendo Nũndũ nĩwandangĩie.  Nĩngwĩnengane Nĩmũthũkũme Na ũtanu, kwake Yesũ Nĩngwĩnengane.  2. Nĩngwĩnengane kwa Yesũ,  Nĩngũtulya ndu kwake; Ndina vata na nthĩ ĩno; Yesũ nambose oyu.  3. Nĩngwĩnengane kwa Yesũ Ambose nĩth’we wake.  Veva nandongoeasye Maũndũnĩ onthe vyũ.   4. Nĩngwĩnengane kwa Yesũ Nĩngwenda nĩvuũkw'e ngoo.  E na vinya na ĩnee vyũ; Syĩtwa yake yĩkathwe.  (Amen)

308. HII MŨKAMATAVYE A ME KĨKW’ŨNĨ

 HII MŨKAMATAVYE A ME KĨKW’ŨNĨ (Rescue the perishing) 1.  Thii mũkamatavye a me kĩkw’ũnĩ,  Mũmatangĩĩe a me thĩnanĩ,  Na al’avalũku mũkamatethye,  Matavyei Yesũ nĩwamakwĩĩe Thii mũkamatavye a me kĩkw’ũnĩ Yesũ nũkwenda mũkamakwatye.  2. Nake nũmeteelaa amamũleaa,  Endai, inywĩ mũkamathing’ĩĩsye Mũmakusye mbola mwĩ na wĩnyivyo,  Mamwĩtĩkĩle Yesũ Mũtangĩĩi.  3. Ngoonĩ sya a me ndee, ũla satani Nũvandaa maũndũ ala mathe; Ĩndĩ makĩmwosa Yesũ Mũtangĩĩi Makenda maũndũ ala make.  4. Nĩmwaĩlwe, inywĩ, nĩ kũmatavya Na Ngai akamũnengae vinya; Na kwa wendo wake makooka kwake.  Mamanya Yesũ nĩwamakw’ĩĩe.  (Amen)

309. NĨTWĨW’ĨTE NDETO II

 NĨTWĨW’ĨTE NDETO II (We have heard the joyful sound) 1. Nĩtwĩw'ĩte ndeto ii: Yesũ nĩ Mũtangĩĩi.  Tavan'yai kũndũ kw'onthe, Yesũ nĩ Mũtangĩĩi.  Tavan'yai wendo wake kũndũ kw'onthe kũkũ nthĩ; Tavan'yai ndeto syake, Yesũ nĩ Mũtangĩĩi.  2. Andũ onthe, ĩw'ai ũũ, Yesũ nĩ Mũtangĩĩi; Mũmwĩtĩkĩlei oyu, Yesũ nĩ Mũtangĩĩi.  Nĩwakw'ĩĩe mũtĩnĩ, nthakame yetĩkie ũndũ wa naĩ sitũ; Yesũ ni Mũtangĩĩi.  3. Nĩtũũmanya ũndũ ũũ, Yesũ nĩ Mũtangĩĩi,  Thayũ wĩ nthĩnĩ wake, Yesũ nĩ Mũtangĩĩi.  ĩĩ, nĩ ndeto sya mũyo sitũ oyu tũĩ,  Tũkĩtĩkĩla Yesũ, nĩ Mũtangĩĩi waitũ.  (Amen)